judul 11 judul 22 judul 33

Koleksi Digital Audio

Nikmati Koleksi Audio Koleksi Kami Langsung Pada Gawia Anda.


Luruihlah jalan Payakumbuah
Babelok jalan Kayu Jati
Dima hati indak kan rusuah
Ayam den lapeh, ohoi … ayam den lapeh

Mandaki jalan Pandaisikek
Manurun jalan ka Biaro
Di ma hati indak maupek
Awak takicuah, ohoi … ayam den lapeh

Reff:

Sikua capang sikua capeh
Saikua tabang sikua lapeh
Tabanglah juo nan karimbo
Ai lah malang juo

Pagaruyuang jo Batusangka
Tampek mandaki dek urang Baso
Duduak tamanuang tiok sabanta
Oi takana juo

Den sangko lamang nasi tuai
Kironyo tatumpah kuah gulai
Awak ka pasa alah usai
Oi lah malang denai

O hoi … ayam den lapeh
O hoi … ayam den lapeh


Anak urang Sabu Andaleh, yo mamak oi
Singgah karumah si Sutan Mudo, si Sutan Mudo
Singgah karumah si Sutan Mudo, si Sutan Mudo

Bia abih oi bialah tandeh, yo tuan ei
Hati den kanai kabaa juo, kabaa juo
Hati den kanai kabaa juo, kabaa juo

Indak dapek musim manyiang, yo mamak oi
Musim manuai den nanti juo, den nanti juo
Musim manuai den nanti juo, den nanti juo

Indak dapek oi tarago bujang, yo tuan oi
Baranak ampek den nanti juo, den nanti juo
Baranak ampek den nanti juo, den nanti juo

Ondeh mandeh sansai badan
Ondeh mandeh sansai badan


Risaulai …

Hari raba’a pukua satu – 2x
Urang manembak si buruang nuri
Kanai sikikik nan sadang tabang
Jatuah badarai si bungo lado

Lai sarawa ndak babaju – 2x
Jo a den tampuah galanggang rami
Mangko den duduak balangang-langang
Jatuah badarai si aia mato

Bada kariang parancah paku
Paku digulai anak rang Lolong
Bia lah kariang banda di hulu, sayang
Ka bakeh hujan den mintak tolong

Barakik-rakik kito ka hulu
Baranang-ranang yo ka tapian
Bia basakik kito dahulu, sayang
Asa lai sanang yo kamudian

O risaulai …
O risaulai …

[Versi Tiar Ramon]

Risaulai …
Oi Risaulai …

Hari raba’a pukua satu – 2x
Urang manembak si buruang nori
Kanai sikikik nan sadang tabang
Jatuah badarai si bungo lado

Lai sarawa tak babaju – 2x
Jo a den tampuah galanggang rami
Mangko den duduak balangang-langang
Jatuah badarai si aia mato

Barakik-rakik kito kahulu
Baranang-ranang yo ka tapian
Bia basakik kito dahulu, sayang
Asa lai sanang di kamudian

Bada kariang parancah paku
Paku digulai anak rang Lolong
Bia lah kariang banda di hulu, sayang
Ka bakeh hujan den mintak tolong

Risaulai …
Oi Risaulai …


Malam-malam baiko yo mamak
Malam-malam bainai yo sayang
Malam-malam baiko yo mamak
Malam-malam bainai yo sayang
Anak daro yo mamak, jo marapulai – 2x

Malam-malam kaduo yo mamak
Manatiang-natiang piriang yo sayang
Malam-malam kaduo yo mamak
Manatiang-natiang piriang yo sayang
Sambanyo lamak yo mamak, si gulai kambiang – 2x

Baselo jo basimpuah yo mamak
Di bawah-bawah tirai yo sayang
Baselo jo basimpuah yo mamak
Di bawah-bawah tirai yo sayang
Bujang jo gadih yo mamak, banyak maintai – 2x

Cincin-cincin dicabuik yo mamak
Di jari-jari manih yo sayang
Cincin-cincin dicabuik yo mamak
Di jari-jari manih yo sayang
Marapulai galak yo mamak, anak daro manangih – 2x

Malam-malam katigo yo mamak
Malam-malam bajapuik yo sayang
Malam-malam katigo yo mamak
Malam-malam bajapuik yo sayang
Marapulai tibo yo mamak, anak daro takuik – 2x

(Versi Lain)

Malam malam baiko yo mamak
Malam malam bainai yo sayang
Anak daro yo mamak
Jo marapulai (2x)

Malam malam katigo yo mamak
Malam malam bajapuik yo sayang
Marapulai tibo yo mamak
Anak daro takuik (2x)

Cincin cincin dicabuik yo mamak
Di jari jari manih yo sayang
Marapulai galak yo mamak
Anak daro manangih (2x)

Pasumandannyo banyak yo mamak
Manatiang-natiang piriang yo sayang
Sambanyo lamak yo mamak
Patai jo jariang (2x)



Anak Salido, anak Salido ka parantauan
Pandan dibaok pandan dibaok ka dipadagangkan
Dunsanak tido ondeh Tuan manga bajalan
Kasia badan, kasia badan ka ditompangkan

Sungai Tanang, Sungai Tanang tapian mandi
Nak Bukiktinggi, nak Bukiktinggi mandi bakawan
Kasiah sayang bakeh tuan tatuntuang abih
Manga kok kini, manga kok kini tuan rangguikkan

Tagamang badan, tagamang badan dek ditinggakan


Urang Talu …, urang Talu …
Den takana …, urang Talu …

Rami lah rami rang pasa Talu
Rami dek anak si urang Kajai
Dimalah hati indak ka rindu
Sadang lah sayang badan bacarai

Urang Talu …, urang Talu …
Oi den takana …, urang Talu …

Reff:

Cincin di jari nan suaso
Tagah dek pandai malenggokkan
Hati jo jantuang alah binaso
Tagah dek pandai mambaokkan

Urang Talu …, urang Talu …
Den takana …, urang Talu …

[Versi Elly Kasim]

Yo rang Talu …, yo rang Talu …
Oi takana …, yo rang Talu …

Rami lah rami rang pasa Talu
Rami dek anak si urang Kajai
Dimalah hati indak ka rindu
Sadang basayang badan bacarai
Dimalah hati indak ka rindu
Sadang basayang badan bacarai

Yo rang Talu …, yo rang Talu …
Oi takana …, yo rang Talu …

Cincin di jari iyo suaso
Tagah dek pandai malenggokkan
Hati jo jantuang nan lah binaso
Tagah dek pandai mambaokkan
Hati jo jantuang nan lah binaso
Tagah dek pandai mambaokkan

Yo rang Talu …, yo rang Talu …
Oi takana …, yo rang Talu …

Yo rang Talu …, yo rang Talu …
Oi takana …, yo rang Talu …

Satunggak jalan iyo lah luruih
Babelok jalan ka Batang Umpai
Basabab badan mangko ka kuruih
Banyak mukasuik nan indak sampai
Basabab badan mangko ka kuruih
Banyak mukasuik nan indak sampai

Yo rang Talu …, yo rang Talu …
Oi takana …, yo rang Talu …

[Versi Lily Syarief]

Yo rang Talu …, yo rang Talu …
Den takana …, urang Talu …

Rami lah rami rang pasa Talu
Rami dek anak si urang Kajai
Dimalah hati indak ka rindu
Sadang basayang badan bacarai
Dimalah hati indak ka rindu
Sadang basayang badan bacarai

Yo rang Talu …, yo rang Talu …
Den takana …, urang Talu …

Satunggak jalan iyo ka Puruih
Babelok jalan ka Batang Ungkai
Basabab badan mangko ka kuruih
Banyak mukasuik nan indak sampai
Basabab badan mangko ka kuruih
Banyak mukasuik nan indak sampai

Yo rang Talu …, yo rang Talu …
Den takana …, urang Talu …

Cincin di jari nan suaso
Tagah dek pandai malenggokkan
Hati jo jantuang nan lah binaso
Tagah dek pandai mambaokkan
Hati jo jantuang nan lah binaso
Tagah dek pandai mambaokkan

Yo rang Talu …, yo rang Talu …
Den takana …, urang Talu …


Dayuang dayuang – 2x
Dayuang sampan didayuang – 2x
Didayuang anak Palinggam, Palinggam, anak Palinggam
Didayuang anak Palinggam, Palinggam, anak Palinggam

Elok-elok manyubarang
Jan sampai titian patah
Elok-elok di rantau urang
Jan sampai babuek salah

Ramo-ramo si kumbang lah jati (sayang)
Katik Endah pulang lah bakudo
Patah tumbuah hilang baganti, lagu lamo takana juo
Patah tumbuah hilang baganti, lagu lamo takana juo

Elok-elok manyubarang
Jan sampai titian patah
Elok-elok di rantau urang
Jan sampai babuek salah

Dayuang dayuang – 2x
Dayuang sampan didayuang – 2x
Didayuang anak Palinggam, Palinggam, anak Palinggam
Didayuang anak Palinggam, Palinggam, anak Palinggam

Elok-elok manyubarang
Jan sampai titian patah
Elok-elok di rantau urang
Jan sampai babuek salah

Pulau Pandan jauah lah ditangah
Dibaliak pulau si Angso lah Duo
Hancua badan dikanduang tanah, budi baiak takana juo
Hancua badan dikanduang tanah, budi baiak takana juo

Elok-elok manyubarang
Jan sampai titian patah
Elok-elok dirantau urang
Jan sampai babuek salah


Anak Sipasan dalam rimbo
Mati di golek-golek batang
Nan bapasan kami nan tido
Ratok tangih manyuruah pulang
Ondeh ondeh iyo…
Manyuruah pulang ondeh tuan ei…

Pilin bapilin tali rantai
Ka tali sampan di muaro
Kirim bakirim indak sampai
Hati lah mabuak kaduonyo
Ondeh ondeh iyo…
Hati lah mabuak yo kaduonyo

Reff:

Yoo …
Nan tampuo tabang ka kapeh
Dari kapeh lah tabang pulo lah tabang pulo
Nan basuo …, taragak lapeh
Yo bacarai lah seso pulo

Bialah pandan den tinggakan
Pado nyo lapuak dalam sawah
Bialah badan bajauhan
Asa di hati ndak barubah
Ondeh ondeh iyo…
Asa di hati indak barubah


Kampuang den jauah di mato
Gunuang sansai bakuliliang
Takana jo kawan-kawan den lamo
Sangkek basuliang-suliang

Panduduaknyo nan elok
Nan suko bagotong royong
Kok susah samo-samo diraso
Den takana jo kampuang

Takana jo kampuang
Induak, ayah, adiak sadonyo
Raso maimbau-imbau den pulang
Den takana jo kampuang

Takana jo kampuang – 4x
Takana …

[Versi Lain]

Kampuang nan jauah di mato
Gunuang sansai bakuliliang
Den takana jo kawan-kawan lamo
Sangkek basuliang suliang

Panduduaknyo nan elok
Nan suko bagotong royong
Sakik sanang samo-samo diraso
Den takana jo kampuang

Takana jo kampuang
Induak, ayah, adiak sadonyo
Raso maimbau imbau denai pulang
Den takana jo kampuang


Simpang lah Ampek suko mananti
Padang Tujuah Diak, mako Pinaga
Di sinan dulu Adiak bajanji
Bajalan luruih, bakato bana

Simpang lah Tigo bakabun laweh
Indak lapuak mato mamandang
Hati nan arok, yo arok cameh
Cameh lah sayang disintuang urang
Kelok baliku Batang Sinuruik
Ikannyo tasabuik balarangan
Kok tadorong Diak, ganjua lah suruik
Antah kok Adiak balanteh angan
Janiah aianyo Batang Pasaman
Tapian mandi rang mudo-mudo
Adiak kok lapeh yo dari tangan
Indak taganti Diak, salamonyo

Elo pukek yo lah rang eloan
Sandang pandayuang lah baok pulang
Kasiak angek pinggangnyo lah gantiang
Namun pukek nan dielo juo

Reff:

Balayia kolek lah jo pincalang
Kami mananti lah angin turun
Adiak ka sansai nan di galombang
Uda ka sansai di dalam alun

Elo pukek yo rang eloan
Sandang pandayuang baok pulang

Ikan kerong baradai suto
Lapuak tajamua di ateh pelang
Adiak tolonglah sakali nangko
Salamo umua indak ka hilang


Mandi ka Lubuak Mandalian – 2x
Udang disangko tali-tali – 2x
Mabuak untuang jo parasaian – 2x
Patang disangko pagi hari – 2x

Ondeh…ondeh …, lah laruik sanjo …

Lai ditimbo nan ba-udang – 2x
Biluluak juo nan tatimbo – 2x
Lai dicubo nan bak urang – 2x
Nan buruak juo nan tasuo – 2x

Ondeh…ondeh …, lah laruik sanjo …

Hari patang matohari turun – 2x
Dagang baurai aia mato – 2x

Ondeh…ondeh …, lah laruik sanjo …
Ondeh…ondeh …, lah laruik sanjo …


Malang bacinto bintang jo bulan
Kasiah digungguang dek matoari
Bia bacarai nyao jo badan
Putuihlah tali jantuang jo hati
Cinto ka uda den baok mati

Ka dalam tanah maik bakubua
Datang malaikaik yo nan batanyo
Apo kadayo yo nan takana
Kasiah ka uda nan indak sampai
Yo nan takana, kasiah ndak sampai

Cinto den indak ado duonyo
Cinto den hanyo ka uda surang

Bia mangamuak topan jo badai
Cinto den indak ado duonyo
Bia di dunia kasiah ndak sampai
Yo di akhiraik den nanti juo
Uda den nanti dalam sarugo
Cinto den indak ado duonyo


Tambilang tanti batanti – 2x
Satanti ambiak panaruko
Panaruko sawah di Kajai – 2x

Nan hilang dapek diganti – 2x
Diganti indak ka sarupo
Sarupo indak saparangai – 2x

Anak rajo di Pulau Punjuang – 2x
Balahan rajo dari Jambi
Asanyo rajo kaduonyo – 2x

Bakeh adiak kasiah tatuntuang – 2x
Usah baniaik manukai
Mularaik apo kagunonyo – 2x

Rumah Gadang di Minangkabau – 2x
Nan baukia sambilan ruang
Nan batampek di kabun bungo – 2x

Cincin ameh tinggalah angkau – 2x
Paramato bialah hilang
Bakarang intan kagantinyo – 2x


(Versi Elly Kasim)

Tasakek padang ka rimbo – 2x
… (missing)
… (missing)
Lah dapek urang dicinto – 2x
Sapantun kasau jo bubuangan – 2x
Putuih pangarang mangko rarak

Taganang Batang Nanggalo – 2x
Galilah banda bailiran – 2x


Nak urang Tanjuang Barulak, barulak barulai pulo
Nak urang Tanjuang Barulak, barulak barulai pulo
Den etong sado nan masak, nan busuak tingga di ambo
Den etong lansek nan masak, nan busuak tingga di ambo

Iko tukuak, iko tambah, paragiahnyo perai sajo
Iko tukuak, iko tambah, paragiahnyo perai sajo

Lah satu satu lah duo, di tigo di Guguak Dulang
Lah satu satu lah duo, di tigo di Guguak Dulang
Ko lansek buliah dicubo, kok masam babaliak pulang
Ko lansek buliah dicubo, kok masam babaliak pulang

Iko tukuak, iko tambah, paragiahnyo perai sajo
Iko tukuak, iko tambah, paragiahnyo perai sajo

Nan ampek dibalah ampek, nan limo bilangan jari
Nan ampek dibalah ampek, nan limo bilangan jari
Ko bukan sumbarang lansek, Sijunjuang lanseknyo manih
Ko bukan sumbarang lansek, Sijunjuang lanseknyo manih

Iko tukuak, iko tambah, paragiahnyo perai sajo
Iko tukuak, iko tambah, paragiahnyo perai sajo


Mandaki jalan ka Payokumbuah
Baranti tantang Kelok Sambilan
Ondeh baranti tantang Kelok Sambilan

Dimalah badan indak ka rusuah
Sadang basayang Tuan bajalan
Ondeh sadang basayang Tuan bajalan

Ondeh baa lah ko kaba
Baa lah ko kaba, kini rang mudo yo
Ondeh baa lah ko kaba
Baa lah ko kaba, kini rang mudo yo

Indak lah guno batanam bawang
Bawang ditanam hari lah sanjo
Ondeh bawang ditanam hari lah sanjo

Indak lah guno bakasiah sayang
Sansaro badan kasudahannyo
Ondeh sansaro badan kasudahannyo

Ondeh baa lah ko kaba
Baa lah ko kaba, kini rang mudo yo
Ondeh baa lah ko kaba
Baa lah ko kaba, kini rang mudo yo


Ondeh iyo, bugih lamo, mainkanlah bugih lamo tu
Ondeh iyo, bugih lamo, mainkanlah bugih lamo tu

Hitam bakilek kudo balang
Pasangan bendi bugih lamo
Urang maliek lai sanang
Konon kok pulo urang nan punyo
Urang maliek lai sanang
Konon kok pulo urang nan punyo

Ondeh iyo, bugih lamo, mainkanlah bugih lamo tu
Ondeh iyo, bugih lamo, mainkanlah bugih lamo tu

Rami urang ka pacu kudo
Rami dek anak mudo-mudo
Tasirok darah di dado
Basobok jo jando lamo
Tasirok darah di dado
Basobok jo jando lamo

Ondeh iyo, bugih lamo, mainkanlah bugih lamo tu
Ondeh iyo, bugih lamo, mainkanlah bugih lamo tu

Kudo kancang jan dilacuik
Kok dilacuik lari manduo
Ondeh jando japuik den suruik
Den ubah parangai lamo
Ondeh jando japuik den suruik
Den ubah parangai lamo, den ubah parangai lamo


Den susun jari nan jo kapalo
Duduak basimpuah di kaki Mandeh
Indak den sangko kini jadinyo
Sasa kudian indak paguno
Ampun kan denai yo Mandeh …

Bukan denai malawan Mandeh
Den turuikkan hati jo mato
Sampai den lupo pituah Mandeh
Ampun kan denai yo Mandeh …

Ampun kan denai yo Mandeh …
Surek dari mandeh kanduang
Mambaok badan denai sansaro
Jatuah badarai si aia mato
Ampun kan denai yo Mandeh …

Ampun… ampun … Mandeh …


Lapeh nan dari kelok Sikabu
Dilingkuang bukik jo gunuang Singgalang
Balingka jorongnyo tigo
Batu Tagak takana juo

Mandeh, basabalah Mandeh dahulu
Lai taragak denai nak pulang
Nak basuo ayah jo bundo
Tapi kini sadang sansaro

Reff:

Takana maso denai ka pai
Bundo malapeh denai jo ibo hati
Basabalah mandeh mananti
Di Batu Tagak nantikan denai


Ubekkan denai …
Sakiknyo putuih dalam bacinto
Ubekkan denai …
Sakiknyo putuih dalam bacinto

Carikan ubek tujuah ramuan
Sarato cincin nan balah rotan

Cincin lah lakek di jari Tuan
Di jari manih Tuan pasangkan
Cincin lah lakek di jari Tuan
Di jari manih Tuan pasangkan

Reff:

Ubekkan denai, ubekkan denai
Batambah kuruih badan nan jariah
Tamukan denai, suokan denai
Basuo mangko sanang dihati

Cincin siapo nan Tuan pakai
Denai nan indak dibari tahu

Lah tujuah tahun janji kok ungkai
Bakeh siapo denai mangadu
Lah tujuah tahun janji kok ungkai
Bakeh siapo denai mangadu

Ubekkan denai …
Sakiknyo putuih dalam bacinto
Ubekkan denai …
Sakiknyo putuih dalam bacinto


Lai den cinto bungo tumbuah di laman
Sajak putiak kini lah kambang
Nak den raiah bungo ka pamenan
Denai pupuak jo kasiah sayang
Nak den raiah bungo ka pamenan
Denai pupuak jo kasiah sayang

Reff:

Tapi sayang, sayang apo ka dayo
Kini bungo bapaga tinggi
Lah den cubo jangkau tangan den luko
Dek dilingka kawek baduri

Basabalah dulu bungo nan jombang
Alun untuang kasiah batali
Denai tacinto bungo larangan
Kumbang ka inggok putiah kaki
Denai tacinto bungo larangan
Kumbang ka inggok putiah kaki


Babendi bendi …
Ka Sungai Tanang, amboi kanduang ei, ka Sungai Tanang …
Ka Sungai Tanang, amboi kanduang ei
Singgah lah mamatiak diak, singgah lah mamatiak kuntum lambayuang
Singgah lah mamatiak diak, singgah lah mamatiak kuntum lambayuang

Hati siapo …
Indak kan sanang, amboi kanduang ei, indak kan sanang …
Indak kan sanang, amboi kanduang ei
Maliek si upiak, maliek si upiak manari payuang
Ditimpo paneh baranti dulu diak, baok balinduang

(Ciptaan (?), Versi Asli – Dipopulerkan oleh Oslan Husein)

Babendi bendi ka Sungai Tanang, aduhai sayang
Babendi bendi ka Sungai Tanang, aduhai sayang
Singgah lah mamatiak, singgahlah mamatiak bungo lambayuang
Singgahlah mamatiak bungo lambayuang

Hati siapo indak ka sanang, aduhai sayang
Hati siapo indak ka sanang, aduhai sayang
Maliek rang mudo, maliek rang mudo manari payuang
Maliek rang mudo manari payuang

Reff:


Baju kuruang, ondeh ondeh lah si baju kuruang
Basalendang suto nan aluih ba maniak-maniak
Saruang babungo banang ameh tanunan lamo
Silopnyo baludu hijau nan babungo pulo

Baju kuruang, ondeh ondeh si baju kuruang -2x

Baju kuruang, ondeh ondeh lah si baju kuruang
Yo nan rancak baju kuruang urang Koto Gadang
Langannyo laweh badannyo disangajo lapang
Sangguanyo bulek licin bakonde bungo kambang

Baju kuruang, ondeh ondeh si baju kuruang -2x

Baju kuruang, ondeh ondeh lah si baju kuruang
Dipakai dek anak gadih urang Koto Gadang
Jalannyo malenggang, mandaki manurun ngarai
Dimalah bujang ndak ka laruik mambao sansai

Baju kuruang, ondeh ondeh si baju kuruang -8x



" Kualitas Seseorang Ditentukan Seberapa Banyak Ilmu dan Wawasannya - Maka Membacalah "

- Perpustakaan Bukittinggi -


Media Sosial / Kanal

  • PERPUSTAKAAN BUKITTINGGI

    Official Facebook

  • PERPUSTAKAAN BUKITTINGGI

    Official Facebook

  • PERPUSTAKAAN BUKITTINGGI Official Youtube

    Kunjungi Kami

    Perpustakaan Umum Kota Bukittinggi
    Jln. Perwira III No. 10, Belakang Balok,
    Bukittinggi, Sumatera Barat
    Telp/Fax: (0752) 624391

    Buletin & Promosi